منتديـــــــــات ابنـــــــــاء البزعــــــــــه
حبااااااااااااابكم عشــــره بلا كشره
منتديـــــــــات ابنـــــــــاء البزعــــــــــه
حبااااااااااااابكم عشــــره بلا كشره
منتديـــــــــات ابنـــــــــاء البزعــــــــــه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديـــــــــات ابنـــــــــاء البزعــــــــــه

قال تعال: ((يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚ إِنَّ أَكْرَمَكُمْ عِنْدَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ ))
 
الرئيسيةالبوابةأحدث الصورالتسجيلدخول

 

 بسم الله فتحت الباب

اذهب الى الأسفل 
كاتب الموضوعرسالة
Admin
Admin
Admin


عدد المساهمات : 17
تاريخ التسجيل : 09/11/2011
العمر : 40
الموقع : السودان / شمال كردفان/ام صيقعون الجاك

بسم الله فتحت الباب Empty
مُساهمةموضوع: بسم الله فتحت الباب   بسم الله فتحت الباب Emptyالإثنين نوفمبر 21, 2011 4:18 pm

بسم الله .. فتحت الباب

وجمب الباب وقفت شوية في الشارع

وباب جيرانا كان مفتوح وظاهر انو زول طالع

وخلف الباب لمحت التوب

بلعت الريق .. لأني كتير بعرف التوب

وجوة التوب لقيت الزول

وظاهر انو دة المحبوب

معاه الجردل المليان

أكيد الموية مقطوعة

***

حرام والله ألف حرام

حرام الزول يشيل جردل

ويقطع ميل عشان حمام

حرام والله الف حرام

****

عليكم الله شوفوها

وعشان عينيها ساعدوها

وعشان محبوبتي مابتقدر

تشي الموية في جردل

*****

عليكم الله شوفوها

مبهدلة كيف مع الجردل

تشيل حبة وتخت نفسا

وتخت حبة وتشيل نفسا

وتخاف من توبا يتبلبل

وتاخد لفة الشارع

وكل الشافا يتبهدل

عليكم الله شوفوها

معذبة كيف مع الجردل

****

حرام ياموية الف حرام

**

كرهت الموية من البلف حتي الدش

ومن بابور مياه الحلة

حتي الهيئة

والماسورة

والناقورة

والصهريج

وموية النيل

وموية الزير

وخرطوش كابي في برميل

وحتي الغيمة لما تشيل

****

عليكم الله شوفوها

معذبة كيف مع الجردل

**

تشيل حبة وتخت نفسا

وتخت حبة وتشيل نفسا

وبلدنا النايمة ليها سنين

تشبع فينا من بالمغصة

وعيون نيلنا النبع من فوق

بتتفرج علي المغصة

وغيوم بلدي المشت من فوق

بتنزل وين ؟؟؟

بتنزل في كروش نجسا

ومطر بلدي النزل من فوق

بينزل وين ؟؟

بينزل فوق جناين سيدي يسقيها

وبينزل فوق عصافير الهوي السكنت

جناين سيدي يرويها

ومطر بلدي النزل من فوق

حينزل يوم ...

ونيل بلدي المرق من ضو

حيمرح يوم

وغيم بلدي الشرد ياناس

حيرجع يوم

وبت بلدي البكت في يوم

وضاقت وجعة الجردل

حتملأ الدنيا بالزغرود

وتنسي حكاية الجردل
الرجوع الى أعلى الصفحة اذهب الى الأسفل
https://abza3.rigala.net
 
بسم الله فتحت الباب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديـــــــــات ابنـــــــــاء البزعــــــــــه :: المنتدي العام :: المنتدى الاجتماعي-
انتقل الى: